Գումարի վերադարձի քաղաքականություն

1. Չեղարկումը վերադարձ չէ

Վճարովի փաթեթը կարող եք չեղարկել ցանկացած պահի՝ Վճարումներ բաժնից։ Փաթեթն այնուհետև գործում է մինչև արդեն վճարված ժամանակահատվածի ավարտը և կրկին չի գանձվում։ Քանի որ դուք պահպանում եք փաթեթն ամբողջ այդ ժամանակահատվածում, չեղարկումն ինքնին գումար չի վերադարձնում։

2. Երբ ենք վերադարձնում գումարը

Մենք վերադարձնում ենք վճարումը հետևյալ դեպքերում՝

• Գանձումը կատարվել է սխալմամբ՝ փաթեթի համար, որը դուք չեք գնել, կամ արդեն չեղարկելուց հետո։
• Նույն ժամանակահատվածի համար գումարը գանձվել է երկու անգամ։
• Փաթեթը երկարաձգվել է, դուք գրում եք մեզ այդ գանձումից հետո 14 օրվա ընթացքում, և այդ պահից ի վեր ոչինչ չեք վերբեռնել։

Այս դեպքերից դուրս վերադարձը մեր հայեցողությամբ է. մենք կարդում ենք յուրաքանչյուր դիմում և պատասխանում ենք դրան։

3. Փաթեթի վաղաժամ դադարեցում

Եթե ձեր խնդրանքով անմիջապես դադարեցնում ենք բաժանորդագրությունը՝ օրինակ, երբ դուք փակում եք ձեր հաշիվը, մենք կարող ենք վերադարձնել վճարված ժամանակահատվածի չօգտագործված մասը՝ օրերի հաշվարկով։ Դա ինքնաշխատ չի կատարվում. խնդրեք այն, երբ գրում եք մեզ։

4. Վճարման մի մասը

Վերադարձը կարող է վերաբերել ինչպես ամբողջ վճարմանը, այնպես էլ դրա մի մասին։ Յուրաքանչյուր վճարման դիմաց վերադարձը կատարվում է մեկ անգամ, ուստի մասնակի վերադարձն այդ վճարման վերջին վերադարձն է. դրանից ավելին մենք ձեռքով ենք ձևակերպում բանկում, ինչն ավելի երկար է տևում։

5. Ինչպես դիմել

Գրեք support@moments.am հասցեին՝ հաշվին կցված էլ. փոստից, նշելով գանձման ամսաթիվն ու գումարը և թե ինչ խնդիր է առաջացել։ Սովորաբար պատասխանում ենք երեք աշխատանքային օրվա ընթացքում։

6. Ուր է վերադառնում գումարը

Վերադարձը կատարվում է միայն այն քարտին, որով վճարվել է. մենք չենք կարող այն ուղարկել այլ քարտի, բանկային հաշվի կամ կանխիկ։ Եթե այդ քարտը փակվել կամ փոխարինվել է, ուր կհասնի գումարը՝ որոշում է ձեր բանկը. հարցրեք նրանց։

7. Որքան է տևում

Հաստատված վերադարձը բանկ ենք ուղարկում համաձայնեցվելուց անմիջապես հետո։ Թե դրանից հետո որքան ժամանակ կանցնի, մինչև այն հայտնվի ձեր քաղվածքում, որոշում է ձեր քարտը թողարկած բանկը։ Հայաստանից դուրս թողարկված քարտի դեպքում դա կարող է ավելի երկար տևել։

8. Կտրոններ

Յուրաքանչյուր վճարման համար պետական կտրոնների համակարգի միջոցով տրվում է հարկային կտրոն, և դրա հղումն ուղարկում ենք ձեր էլ. փոստին։ Յուրաքանչյուր վերադարձի համար նույն համակարգով տրվում է վերադարձի կտրոն. գրեք մեզ, եթե ձեզ պետք է դրա պատճենը։ Վճարումը մնում է Վճարումներ բաժնում՝ վերադարձված նշումով։

9. Ինչը չի վերադարձվում

14-օրյա փորձաշրջանը քարտ չի պահանջում և ոչինչ չի գանձում, ուստի ավարտին վերադարձնելու բան չկա։ Արդեն օգտագործված պահոցն ու ֆայլերի առաքումը չեն վերադարձվում, ինչպես նաև ամբողջությամբ անցած ժամանակահատվածը։